शेतक - याचे हुंदके ही कविता । Hundake is a poem by a farmer.

 शेतक - याचे हुंदके ही कविता।Hundake is a poem by a farmer | Marathi poems | Moral poems | poem's in Marathi | Marathi

               शेतक - याचे हुंदके                                    

भाज्यांचा बाजार भाव , भलताच खाली आला । 

भाजीपाला ढोराहिचा , बणला हिरवा पाला ।। 

शेतक - याची टिंगल , घेतात अवघे नस्ता ।

 म्हणून तर भाजीपाला , विकतो येवढा सस्ता ।।

 कांद्याचा भाव वाढला , जो तो लागला रडाया ।

मसाला लावून सर्वत्र , कांद्याच्याच बढाया ।। 

किलोने होणारी हराशी, गंजाने होवू लागली ।

 शेतक - याच्या कष्टाला , भक्कम कीड लागली ।। 

महागाई वाढली की , लोकांना नाही पेलत । 

स्वस्ताई भाली म्हणजे , कोणीच नाही बोलत ।।

अडत्या करे हराशी , व्यापारी बोलतो भाव ।

दोघेही चपळाईने , साधून घेतात डाव ।।

शेतक - याच्या विरुद्ध सर्व ठोकतात दंड ।

 म्हणून त्याच्या वेदनांना , पडत नाही खंड ।।

सर्वानिच बळीकडे , फिरवली आहे पाठ ।

म्हणूनच तो मृत्यूची , धरत असतो वाट ।। 

सरकार शेतक - याच्या , लात मारते छातीत ।

खुटचीतल्या वामनांनी , बळी घातला मातीत ।। 

शेतक - याच्या अंगात , उरलं नाही रगत ।

तरी चिल्यापिल्यांसाठी , तो असतो जगत ।।

राजकारण्यांची शेती , भरभरून पिकते । 

शेतकरी धावू - धावू , घाम रगत ओकते ।। 

अशाने जावू लागला , शेतक - याचा जीव ।

पण कोणालाही त्याची , येतच नसते किव ।। 

शेतक - याचे हुंदके , कुणाला ऐकू येतात ? ।

अशावेळी अवघे , बहि - याच सोंग घेतात ।। 

वाहणारे अश्रूत्याचे , कोणीच नाही पुसत ।

 त्याच्या हताशपणाला , सर्वच आहे हसत ।।

 

                                               कवी:-