लिलाव ही कविता | Marathi poems | Moral poems | poem's in Marathi | लिलाव

लिलाव

किती असावी स्वप्ने तरी ?

तू रंगवलेले काही

अन् मी पाहिलेले कितीतरी !

पण .....

अर्थच नव्हता या माझ्या रंगहीन स्वप्नांना

कारण .....

मी पाहीलेली स्वप्नं

माझ्याकडेच होती

पण त्यांना रंगवण्याचे रंग

ते मात्र तूझ्याकडे होते !

शेवटी स्वप्नही माझेच होते

भावनाही माझीच होती

मात्र ...दोन्ही गोष्टी तूझ्यासाठी

विनामूल्य होत्या

म्हणूनच म्हणतो

जाण ठेव अथवा न ठेव

एकच सांगतो

ध्यानात ठेव अथवा न ठेव

यौवनात येताना

शरीराचे चोचले पुरवणयासाठी

भविष्याचा विचार न करता

वचन तू मला दिलंस आणि

जराशी बावरताना

लग्नाच्या बाजारात प्रतिष्ठेसाठी

भावनेला गहाण ठेवून

स्वप्नांचा ' लिलाव केलास

स्वप्नांचा " लिलाव " केलास .